Bahamas

salee zaeme,
ech be gard retour cho vo de bahamas. send z'vierte oeber das wocheaendi met em scheff "royal empress" of d'bahamas besser gseit noch nassau gfahre. am samstig mettag esch es los gange met ichecke ond cabine bezieh. mer hend ei cabine gha. esch aso chliner gseh als d'schnaeggefraessercabine letscht johr. tja esch jo ou nor foer zwe naecht gseh. defoer heds chli meh passagier of em scheff gha (2000 met de crew). am huabi fueuefi hemmer de no e emergency-drill gha mer rettigsweste ond allem was halt dezue ghoert. hend e halb stond muesse of em deck stoh. ond wehe besch ned omegseh...ponkt fueuefi eschs de aentlech losgange rechtig bahamamama. of em scheff esch alles (fast alles) includet gseh. aesse, trenke (kaffi ond wasser) foer de raest hesch tugged. aber raecht priiswaert. jede obe es riise dinner met 6 gaeng met tanzilage vo de servierboys. so en art poloneeese hends gmacht.
de heds natuerli oeberall no onderhaltigsmoeglechkeite gha: karaoke, casino, disco pianobar, pool, spa...
mer send de oeber d'nacht gfahre (10 stond) ond am morge womer ufgwachet send in nassau itroffe.
hend 8 stond deziit gha ues of de bahamas usztobe. send zerst chli i de ennestadt omezoge, mer cha die fast chli vergliiche met key west, eifach nochli farbige ond groesser. send e borg go aluge ond e riise maeaert bevor mer ues rechtig beach ufgmacht hend. ech cha oeich saege so ne schoene strand hani no nie gseh. mega fiine wiise sand ond klars hell blaus wasser...wonderful.
hend natuerli de raest vom tag, esch halt ou noemme de huufe gseh am strand verbrocht bevor mer am fueuefi weder hend muesse of em boot sie rechtig fort lauderdale. de obe esch aehnlech verloffe wie de samstig, osser dass am zwoelfi de stefan no gebori gha hed ( esch doch glatti 24i worde). dae hemmer natuerli rechtig gfiiret i de dischgo. esch de doch ou zwoei worde bes mer uesi cabine ufgsuecht hend.
am maentig morge hemmer de ou rechtig dommi grende gmacht. wake up at 7.00am, hend am achti muesse uschecke. de eschs deraekt met em taxi id schuel gange, be rechtig froh das i am nomi kei schuel ha. gohne etzt hei ond de a strand chli go schlofe, that's the life...

fotos vom trip folgid (coeoeming soooon)

ha ghoert er hend ou es rechtig schoens weekend, warm ond sonnig, gha. do esch doch de fruehlig im amarsch...

gruessli us fort lauderdale wos vonnere stond i stroeme gscheffet hed, etzt aber scho weder d'sonne schiint.
psycho