Zwei Wochen Fort Lauderdale, was schon?

Hallo zaeme,

es esch donnschtig de 13. maerz, scho glii send 2 woche vom mim ufenthalt do z'fort lauderdale doere. ech muess saege die zwoeiti woche esch im flog vergange. ha ou langsam chli mini lueuet gfonde wo ni zaeme be wie ou d'klass besser koenneglehrt.
ech ha mol gmeint gha das ech i de duetschspraechende studaente chli us em waeg cha goh, esch aber no cheibe schwerig, vo dene 50 wo im momaent do send spraechid secher min. 20 duetsch. mer muess sech eifach chli a de nase naeh ond im usgang halt ou aenglisch rede.

am mettwoch traeffid sech emmer alli studaente i de blue martini bar, die esch i de noechi vomene grosse ichoufscenter. ech be gester s'erst mol det gseh. esch e cooli bar met livemusic.
gester hed e funkcombo gspelt bes am zwoelfi. nochhaer e dj wo ned gwoesst hed wie luut as aer wot uftreie. das esch echli de nochteil gseh i de bar, eifach vel z'luuti music, das hesch ned so lang usghalte.

hoet obe stay at home, die woche esch fast jede obe oeppis los gseh ond lehre soeti jo ou mol chli.

am friitig goemmer go aesse met de susanne, sie fluegt am samstig ab rechtig duetschland, sozaege es chliises abschedsaesse met ehre. sie esch makeupartistin ond schmenk a diverse filmsets.

am samstig goend d'violette, de one and onely "sepp" ond ech of key west. de sepp hed es outo do gmietet ond fahrt abe. ei waeg esch ca. 3 h. es esch lut waetterbrecht (forecast) mega schoens waetter am wocheaendi ond de waeg of key west fuehrt oeber onzaehligi brogge ie. esch secher raecht idroecklech.

ech werde mini camera bereithalte, die schoenste szene festhalte ond die noechst woche of e blog stelle.

ech woensche oeich es schoens weekend, veli gruessli id schwiiz

Psycho